Michaelis Nostradami ad
Annum 1 5 6 0

Disz ist ein kurtze Practi -
ca / welche anzeigt von dem Lx. Iar /
biß in das Lxvij. Was sich in der zeyt verlauf -
fen und zutragen soll / mit vil unnd mancherlay zwy -
tracht unnd Krieg / auch Thewrung / Sterben / unnd
andere vil widerwertigkeiten. Welche Practica in
der Frantzösischen sprach einem guten Her -
ren in Teütschland ist zugeschickt wor -
den / und er nachmals in Teütsch
hat verfertigen lassen / Allen
frommen Christen zu
gut an den Tag
geben.

P R O G N O S T I C O N
Michaelis Nostradami ad
Annum 1 5 6 0

N Ach dem das gegenwerti -
ge Iar vnder vil vergangenen
auch zukünfftigen / biß inn das
1567. wol das aller gefähr -
lichste ist / so werden vil seltzsame newe zwy -
tracht / Rotten und factiones durch ein newen,
gewaltigen der dem Flagello Dei, mit wütten
und Tirannisieren nicht vngleich entstehen.

Auch groß hunger und sterben / welche alle
sambt ein zeyt lang werden überhand nemen.

Denn der Mars ist noch nicht gestillet / ia
man wirdt erfaren zwytracht / vnd auffrhur /
vnder dem gemeinen Mann / so wol von we -
gung der spaltung in Religionsachen / als an -
hang ettlicher hohen Potentaten / unnd auch
Secten / durch welche nicht ein geringer ab -
bruch der Christlichen Kirchen entstehn kan /
So vil ich befinde / so soll man sich vor diser
reuolution nicht wenig förchten / als von allen
denen / so vom Iar 1539. biß hieher verlauf -
fen sind / denn durch die reuolution dises gegen -
wertigen Iars / vnnd die Ecclipsis vergangen
und hiernach folgende / ist das Gemeine volck
durch Martis böse dücken auß dermassen ge -
engstiget / genöttiget und nidergedrucket / Vnd
ehe der dritte theil dises Iars verlauffen / wirdt
yedermann spüren vnnd bekennen / das die ver -
gangene Kriegsleüffe nit so grausam vnnd
schädlich gewesen / als die zukünfftigen sindt /
werden. Wenn Mercurius / Die Sonn vnd
Iuppiter sich zusamen fügen / als denn werden
die böse effecten an tag kommen.

Darzu eins theils belangen die Müntzrech -
nung / vnd das nicht ohn mercklichen schaden
des Gemeinen manns / mit nutz aber und bes -
serung der Iouialisten / Ia mehr der Mercuri -
alisten / welche ohn wechssel vnd wirden / thun
iren gewinn erlangen.

Mercurius inn einer erhobenen Figur / mit
der Sonnen / wirdt groß klagen vnd trawrig -
keit geberen / vnd die Sonn wirdt die behende
Todtschleg hierauß gethan / zuwegen brin -
gen.

Im Iar 1561. vnnd 1562. Wirdt ett -
was seltzams ins werck bracht / Doch zu gros -
ser kleinerung / schmach vnnd schand / deren / so
es zum ersten angeben haben / vnnd wirdt das
sprichword waar erfunden / Malum consilium,
Consultori pessimum, Der anfang wirdt sich er -
heben inn Deütschem Landt / darnach kompt
dasselbige vnglück in Franckreich / vnnd wirdt
vrsach geben, in der Christenheit einer grossen
Auffrhur vnd sedition durch ettliche Häupter
auß der gemein / Vt ex priuatis hominibus, Da sy
aber verhoffen den gantzen Baum zuergreif -
fen / werden inen nur die abgefallen Bletter zu -
theil / Darnach erfolget solch vnglück inn Hi -
spania und gantzem Italia.

Es wirdt auch grosse auffrhur oder sedition
vernommen im Landt Auion / welche nicht gar
nyderlegt und gestillet / biß in das Iar 1568.

Vnnd in disen Auffrhuren wirdt es so gar
erschröcklich vnd vnglücklich zugehn / das auch
ein Bruder wider den anderen sich bewegen /
rüsten vnd brauchen lassen wirdt / fürnämlich
auch wirdt das gemein volck von allen seytten
beschwärdt und benöttiget werden.

Inn welchen Landtschafften aber oder Kü -
nigreichen all dise wunderbarliche ding sich zu -
tragen werden / Ist on noth / auch nit dienlich
außtrucklich zuschreyben.

Es lesset sich ansehen als wolt Pithagoras
einen newen Attilam erwecken vnnd herfür
bringen / der vns allen dises gegenwertige Iar
inn vilen Landen gantzes Europae hefftig dro -
wet. Pithagoras statuit animas de corporibus
in corpora migrace Attila Rex.

Ettliche haltens nur für vngut / vnnd ma -
chen vnnütze geschwetz / das ich von vilen stu -
cken inn Particulari ettwas anzeyge / denselbi -
gen aber will ich auff diß mal nicht weytleüff -
tiger antworten / Besonder dieweyl was ein
yegklichen Tag aller Monat sich zutragen
mag / genugsam auß den Finsternissen abzune -
men ist.

Die Frücht werden inn disem Iar nicht wol
gerhatten / sondern im anfang vnnd inn der
Blü / von Kelte / Nebel vnnd Frost beschädi -
get / Deß Vnkrauts vnd Dorn wirdt mehr ge -
samlet werden / denn guttes Korn.

Folget hiernach mancherley Kranckheit / als
Pestilentz sampt anderen schröcklichen seüch -
ten. Item grosse gefährligkeiten vnnd vnzöli -
che vngemach / schaden / verlust / so mit dem ob -
genannten vnglück eingemenget / welches al -
les vnns Gott der Allmächtige vnser siinden
halb zuschicket.

Das meißte sterben wirdt geschehen vnder
dem gemeinen Mann vnnd Bawrßvolck / de -
ren auch vil von wegen der langkwirigen Auf -
rhur mit dem Schwerdt vmbbracht werden.
Ein vnschuldig Kind oder Son deß Feinds /
wirdt durch wütten vnnd toben außgestossen
vnd fürgeworffen / den gar Wilden vnd vnge -
zympten Thieren / welchen Thieren allerley
Tyranney vnd muhtwill zutreyben zugelassen
wirdt.

Das murmeln vnnd schreyen / klagen vber
den Mordt vnnd Vnmenschlichen Thaten /
wirdt weyt erhört vnd außgebreitet / vnd doch
nit weniger beschwärung vnnd gefengkligkeit
mit sich bringen / als ein groß incendium. Wie -
wol die fürnämbste Heüpter der Rotten vnnd
faction werden sich begeben inn die Latinische
Landtschafft / das ist in Italiam / vnnd ettliche
der Obersten werden vmbbracht / Man wirt
außruffen libertas, libertas pro reptio, bey dem
aber so obligen wirdt / wirt man dreymal grös -
ser Tyranney gebraucht sehen / denn bey keinem
vorigen gespürt worden.

Vnnd der sich außgeben wirdt / als wer er
der / der er doch mit der warheit nicht ist / dem
wirdt es fehlen / vnd yederman wirdt auff inen
ein sonderliches auffsehen haben / der trewe
Knecht vnnd Diener wirdt thun wie Polyda -
mus dem Parmenonj / vnnd einer wirdt den
andern mit aller seiner Gesellschafft vmbbrin -
gen.

Allerley Visch vnnd was sich im wasser er -
haltet / wirdt in dem Sommer durch den Windt
Boreas also beschediget / das vil werden ab -
stehn.

Der Sonnen einen auß dem Aquilonaribus
regionibus wirdt angefochten durch verrhäte -
rey / zu der grossen zusamen wach(s)ung des Cri -
stel / des doch ettliche der fürnämsten im Landt
gesessen / wissentschafft tragen werden / durch
angebung vnd anzeygung deren inn der Insel
Britannia / Es wirdt aber aller fleiß vnd listig -
keit vmb sonst sein.

Weyter wirdt vnglück entstehn auß grosser
anzündung vnd brandt / vil grösser aber vnnd
wunderbarlicher auß vngestühm vnd flut der
Wasser.

Item / Es wirdt sich noch ettwas seltzamers
zutragen / welches ohn noth zuuermelden ist /
denn es genügsam an tag kommen wirdt.

Vnder den Auffrürischen werden vil vnnd
mancherley anschleg fürgenommen / vnnd ge -
waltige hauffen des Kriegsuolck werden ohn
Heupt zusamen kommen.

Die Hauptstück der zwytracht werden so
wichtig / das von vilen angefangen sachen / gar
wenig zum end bracht werden / Es wirdt einer
das / so er angenommen vnnd bekommen hat /
nicht gern auß den henden lassen / dieweyl er
beförcht ein ander neme dasselbige im.

Durch böse gifftige Lüfft vnd Vngewitter /
wirdt ein sonderlicher anschlag verhindert.

An stat ein fridlichen und freündtlichen bey -
lebens vnnd beyleigens / wirdt ein wüttung /
Das größte wüten aber wirdt über die Geist -
lichen außgehn / welch auch vnder sich selbs vil
Disputierens / haders vnd zanck haben / vnnd
von grossen Herren werden sy gehasset / gutte
Gesetz vnd Ordnung werden sy verachten.

Die verfolgung vnd Tiranney wirt so groß /
das etlichen schwär bekommen wirdt / iren durst
damit zu leschen.

Vnd wiewol vil bluts vergossen / wirt / doch
ein grosser hauff die hand auffwerffen / welcher
doch on grossen vnkosten nicht geschehen kan /

Ettlich werden sich stellen außwenndigklich /
als wenn sy der Religion geneygt weren / aber
im gemüht vnnd innwenndig werden sy gantz
anders gesinnet.

Das einer mit dem andern ein mitleyden soll
tragen / oder rechtgschaffne liebe erzeigen / wirt
gar fembd vnd seltzam sein.

Es wirt vil Raubens zu Wasser vnd Land /
Item / so wol durch mit verwandte / als feind.

Item / Todtschlag / Mordt / Vnkeüschheit /
Muhtwill / werden allenthalben überhandt
nemen.

Item zwen oder drey werden erschlagen
werden / oder mit tod abgehn / Vnd auß dersel -
ben einer tod wirt erfolgen ein mercklich auff -
rhuer / mit mangel deß Korns vnd Prouiandt /
denn Hispania / Prouincia / Jtalia / wirdt nit
vil frücht zugefürt / als man verhofft.

Die Finsterniß drowen noch ein ander vn -
glück / welches man nit gern sehen wirdt.

Die Weg vnd Landtstrassen werden an al -
len Orthen eröffnet / aber durch rotten vnnd
rauberey verhindert.

Item es wirdt bedeütet eins großmächtigen
Herren iämerlicher abgang inn seiner eigenen
Herrschafft / vnnd die Vndersassen werden in
die Guetter nit gestatten oder folgen lassen / Ia
irer ettliche werden mit Gefengknüß / belege -
rung vnd tumult beängstiget.

Maler vnnd dergleichen Künstler / Item ge -
leerte Männer vnd treffliche ingenia / werden
diß Iar zu leyden haben / Irer vil auch mit Tod
verscheyden / denn böse Lüfft / Thewrung / not -
türfftiger kost vnnd narung wirdt in zu wider
werden.

Vnder denen vom Adel wirt man sehen vn -
willen / zwitracht / hader / vnd irer Reichthumb
oder glücks abbruch.

Ein Künig wirt diß Iar mit Leibs schwach -
heit vnnd Kranchheit beladen / GOTT aber
wirdt in erhalten / vnd widerumb gesundtheit
geben.

Darnach wirdt man von newem vnfriden
vnnd zwytracht zwyschen de Leütten allent -
halben vernemen.

Rathsherren / Schreyber / Iuristen / werden
nicht gering vnglück empfinden.

Item diß Iar wirdt gespürt ein Particular
vnfruchtbarkeit / vnnd ein allgemeine verder -
bung der Kreüter vnd Obß / zum theil durch
Würm vnd vngezüfer.

Im anfang des Sommers / zum theil durch
vngewonliche kelte vnnd frost / vnnd anndere
gifftige zeichen. Auß welchem darnach
kranckheit der Pestilentz nicht
vngleich / sondern dasselbi-
ge zeytlich darauß
erfolget.

Ende diser Practica.

Zurück